Forkeppni Creative Business Cup á Íslandi fór fram þann 4. apríl í Grósku og var salurinn Fenjamýri þétt setinn þegar skapandi sprotafyrirtæki kynntu hugmyndir sínar fyrir fjölskipaðri dómnefnd og gestum.
Sigurvegari keppninnar í ár er Massif.network, sem mun keppa fyrir hönd Íslands í Creative Business Cup í Kaupmannahöfn í september. Þar koma saman þátttakendur frá yfir 80 löndum í einni stærstu alþjóðlegu keppni fyrir skapandi sprotafyrirtæki.
Creative Business Cup er vettvangur fyrir frumkvöðla í skapandi greinum til að stíga sín fyrstu skref á alþjóðavettvangi, mynda tengslanet og fá aðgang að fjárfestum, sérfræðingum og framtíðarsamstarfsaðilum.
Fjölbreyttir þátttakendur
Þátttakendur í undankeppni Creative Business Cup 2025 voru:
- Massif.Network
- Þarahrat
- Svífandi stígar
- INTO THE BLUE
- Idyllik
Reynslumikil dómnefnd
Í dómnefnd sátu heldur betur reynslumiklir aðilar
- Halla Helgadottir, framkvæmdastjóri Miðstöðvar hönnunar og arkitektúrs
- Nanna Einarsdóttir, meðstofnandi og framkvæmdastjóri Knittable
- Hränn Greipsdóttir, framkvæmdastjóri Nýsköpunarsjóðsins Kríu og varaformaður stjórnar KLAK
Við viljum þakka öllum keppendum, dómnefnd og gestum fyrir kraftmikinn viðburð sem undirstrikar vaxandi vægi skapandi greina í íslensku nýsköpunarumhverfi. Með þátttöku sinni í Creative Business Cup mun Massif.network fá tækifæri til að kynna íslenskt hugvit á alþjóðlegum vettvangi og sækja dýrmætan stuðning til frekari vaxtar.
Við óskum Massif.network innilega til hamingju og hlökkum til að fylgjast með ferðalagi þeirra til Kaupmannahafnar! 🌍✨
English (UK) 
Íslenska