Plast og aðrir mengunarvaldar eru alls staðar, og með helstu ógnum samtímans. Það er aukinn þrýstingur á fyrirtæki og aðrar stofnanir að skipta yfir í grænni lausnir. Markmið Araxni er að framleiða sterkt, endingargott en lífniðurbrjótanlegt köngulóarsilki með nýstárlegum líftæknilegum aðferðum. Silkið væri til dæmis hægt að nýta í stað plasts í ýmsan iðnað, sjávarútveg eða í textílframleiðslu.
