Kynningarfundirnir með Svanna – lánatryggingasjóði kvenna – í Reykjavík og á Akureyri eru nú að baki, en tækifærið stendur enn til fyrir konur í rekstri sem vilja stíga næstu skref með fyrirtækið sitt.
Svanni býður upp á lánatryggingar fyrir fyrirtæki í meirihlutaeigu kvenna, sem geta m.a. stutt við vöruþróun, markaðsstarf, stækkun reksturs og innleiðingu nýrrar tækni. Með þessum hætti er auðveldara að tryggja fjármögnun í gegnum viðskiptabanka og hraða næsta vaxtarskeiði.
Nú er upplagt að fara yfir viðskiptaáætlun, meta fjárfestingaþörf og sækja um áður en umsóknarfrestur rennur út.
Við hjá KLAK hvetjum frumkvöðla og fyrirtæki í okkar tengslaneti til að kynna sér úrræðið og skoða hvort Svanni geti verið rétti bakhjarlinn fyrir næsta skref. Nánari upplýsingar um skilyrði, ferli og umsókn eru aðgengilegar á síðum sjóðsins og í viðburðinum á Facebook.
English (UK) 
Íslenska