fbpx

Konur skipa meirihluta stjórnar í KLAK

Klak – Icelandic Startups hélt fyrsta aðalfund stjórnar eftir nafnbreytingu þann 12. apríl í heimkynnum Klak í Grósku. Stjórn KLAK fór yfir síðastliðið starfsár 2021 sem einkenndist af krefjandi aðstæðum af völdum heimsfaraldurs. Verkefnin urðu mörg og fjölbreytt sem voru í senn hvetjandi og uppbyggileg. 

Ný kjörin stjórn Klak – Icelandic Startups tók við störfum á aðalfundi en Soffía Kristín Þórðardóttir, tilnefnd af Origo, tók við sem formaður stjórnar Klak – Icelandic Startups. Soffía tekur við af Huld Magnúsdóttur frá Nýsköpunarsjóði atvinnulífsins. Eyjólfur Ingi Ásgeirsson tók sæti sem nýr aðalmaður og Ragnheiður Helgadóttir tók sæti sem varamaður. Bæði voru tilnefnd af HR en stjórnin er tilnefnd af eigendum félagsins. Það er tímanna tákn um breytta stöðu kvenna í nýsköpunarheiminum að konur skipa meirihluta stjórnar.

Ari Kristinn Jónsson, rektor HR, lætur af störfum í stjórn Klak eftir 12 ára setu sem aðalmaður stjórnar. Auk þess að hafa setið sem aðalmaður í stjórn Klak hefur Ari unnið náið með íslenskum frumkvöðlum og sprotum í mörgum krefjandi hröðlum og verkefnum og skipað sér sess sem einn af lykilmönnum í stuðningsumhverfi nýsköpunar á Íslandi. Hann kom að mörgum krefjandi verkefnum tengdum félaginu á þessum árum og kom meðal annars að sameiningu Klak og Innovit árið 2013 undir nafninu Klak Innovit en sú sameining markaði tímamót á frumkvöðlasenunni á Íslandi. Lokaáfangi sameinaðs félags varð árið 2016 þegar Klak Innovit fékk nafnið Icelandic Startups.

Stjórn ákvað á starfsárinu 2021 að leita í ræturnar og tók upp gamla nafnið Klak og heitir nú. Klak – Icelandic Startups eða KLAK í daglegu tali.

Aðalmenn og varamenn sem tilnefndir voru á aðalfundi KLAK- Icelandic Startups af eigendum:

Aðalmenn

Soffía Kristín Þórðardóttir tilefnd af Origo

Eyjólfur Ingi Ásgeirsson tilefndur af Háskólanum í Reykjavík

Ólöf Vigdís Ragnarsdóttir tilefnd af Háskóla Íslands

Huld Magnúsdóttir tilefnd af Nýsköpunarsjóður atvinnulífsins

Sigríður Mogensen tilefnd af Samtökum iðnaðarins

Varamenn

Jón Björnsson tilefndur af Origo

Ragnhildur Helgadóttir tilefnd af Háskólanum í Reykjavík

Magnús Þór Torfason tilefndur af Háskóla Íslands

Sæmundur Finnbogason tilefndur af Nýsköpunarsjóður atvinnulífsins

Sigurður Hannesson tilefndur af Samstökum iðnaðarins