Gildi KLAK
Vöxtur
Gleði
Stuðningur
KLAK hjálpar frumkvöðlum að raungera hugmyndir sínar, fjölgar sprotafyrirtækjum sem byggja á hugviti og eykur þannig sjálfbæra verðmætasköpun Íslands. Við hjálpum sprotafyrirtækjum að vaxa innanlands og út fyrir landsteinana með því að hraða þróun þeirra og tengja þau við sérfræðinga, fjárfesta og aðra lykilaðila. Klak hefur fyrir löngu skipað sér sess sem lykilaðili í stuðningsumhverfi nýsköpunar á Íslandi og leggur sig fram við að vera leiðandi afl í grasrót frumkvöðlasamfélagsins.
Hlutverk
KLAK er óhagnaðardrifið félag í eigu Háskóla Íslands, Háskólans í Reykjavík, Origo, Nýsköpunarsjóðs atvinnulífsins og Samtaka iðnaðarins. Hlutverk KLAK er að stækka og styðja við samfélag frumkvöðla á Íslandi með það að markmiði að fjölga sprotafyrirtækjum.
KLAK aðstoðar frumkvöðla frá fyrstu skrefum og hefur haldið Gulleggið, stærstu frumkvöðlakeppni landsins frá árinu 2008. Gulleggið er keppni á hugmyndastigi og kjörinn vettvangur fyrir frumkvöðla sem eru að hefja sína vegferð.
KLAK keyrir árlega 3-4 viðskiptahraðla með mismunandi áherslum og eru þeir hugsaðir fyrir teymi sem eru komin vel af stað í vöruþróun.
KLAK er í virku samstarfi við Tækniþróunarsjóð og tekur tvisvar á ári á móti styrkþegum Sprota og Vaxtar í vikulanga vinnustofu auk þess sem KLAK tengir styrkþega við viðeigandi mentora sem fylgja þeim eftir í 6 mánuði.
Alþjóðlegt starf
Áhersla er lögð á aðstoð við undirbúning sprotafyrirtækja fyrir alþjóðlegan vöxt og fjármögnun. Stór hluti af því snýr að því að efla samstarfið við leiðandi sprotasamfélög erlendis með markvissum hætti og vekja athygli á framúrskarandi íslenskum sprotum fyrir erlendum fjárfestum og fjölmiðlum.
KLAK er í virku alþjóðlegu samstarfi og eru viðskiptahraðlar hluti af GAN – Global Accelerator Network. Klak er einnig hluti af Nordic Scalers og Nordic Made auk þess sem alþjóðafulltrúi okkar situr í stjórn Nordic Innovation.
Sagan
KLAK var stofnað árið 2000 og sameinaðist Innovit árið 2013. Sameinað félag fékk nafnið KLAK Innovit, síðar Icelandic Startups og nú aftur KLAK – Icelandic Startups. Yfir langa sögu fyrirtækisins hafa hundruðir frumkvöðla farið í gegnum hraðla eða tekið þátt í frumkvöðlakeppninni Gullegginu.
KLAK stofnað af Origo til að styðja við nýsköpun á Íslandi.
Seed Forum hefur göngu sína árið 2005. CCP og Orf líftækni eru meðal fyrstu fyrirtækja sem kynna hugmyndir sínar.
100+ sprotafyrirtæki útskrifast af frumkvöðlanámskeiði Viðskiptasmiðjunnar árin 2009-2013.
Alþjóðlega athafnavikan (International Entrepreneurship Week) sett á fót á Íslandi til að hvetja til nýsköpunar og frumkvöðlastarfs.
Nordic Cleantech Open hefst.
Ári síðar er Gulleggið haldið í fyrsta sinn. Síðan þá hafa yfir 3000 hugmyndir verið sendar inn í keppnina.
Innovit stofnað af þremur verkfræðinemum við Háskóla Íslands, SI og NSA.
Háskóli Íslands og Háskólinn í Reykjavík gerast hluthafar í Innovit.
Startup Weekend haldið í fyrsta sinn á Íslandi. Alls voru haldnir 12 slíkir viðburðir frá árinu 2010 – 2015 með ríflega 500 þátttakendum.
Efstu 25 Cleantech teymin frá Norðurlönsunum kynna hugmyndir sínar fyrir fjárfestum og mentorum.
Kristján Freyr Kristjánsson ráðinn framkvæmdastjóri Innovit. Stofnandi og fráfarandi framkvæmdastjóri hefur MBA nám við Stanford háskóla.
Startup Energy Reykjavík hefur göngu sína, viðskiptahraðall sem einblínir á orkutengdar viðskiptahugmyndir.
Klak og Innovit sameinast og kallast Klak Innovit fyrst um sinn.
Samstarfi á meðal leiðandi sprotasamtaka á Norðurlöndunum, undir merkjum #NordicMade, komið á laggirnar.
Nordic Innovtion Marine Marketing Program (NIMMP) hefur göngu sína. Átján norrænir háskólanemar vinna að vandamálum tengdum, rekjanleika í sjávarútvegi.
Fyrsti viðskiptahraðallinn á Íslandi, Startup Reykjavík, er haldinn í fyrsta skipti.
Salóme Guðmundsdóttir er ráðin framkvæmdastjóri Klak Innovit.
Start Nordic komið á fót með það að markmiði að byggja brýr fyrir norræn sprotafyrirtæki yfir til leiðandi tækni- og sprotasvæða í Evrópu og Bandaríkjunum.
Startup Tourism, viðskiptahraðall á sviði ferðaþjónustu, hefur göngu sína.
Nordic Scalers komið á fót. Ætlað að styðja lengra komin (scale up) fyrirtæki til vaxtar á alþjóðlegum mörkuðum.
Viðsktiptahraðallinn Firestarter – Reykjavík Music Accelerator hefur göngu sína og ætlað að efla nýsköpun innan tónlistargeirans.
Nýsköpunar- og frumkvöðlanefndir stúdenta stofnaðar innan HÍ og HR í samstarfi við stúdentafélög beggja skóla.
Icelandic Startups, nýtt nafn Klak Innovit, kynnt til sögunnar. Ætlað að undirstrika áherslu félagsins á alþjóðlegt samstarf og stuðning við alþjóðlega sókn sprotafyrirtækja.
Icelandic Startups tekur við umsýslu TINC (Tech Incubator) í Palo Alto í Sílíkondal fyrir Íslands hönd.
Viðskiptahraðlinum Til sjávar og sveita komið á fót. Hraðallinn leggur áherslu á sjálfbærar lausnir í sjávarútvegi og landbúnaði.
Verkefni
