Lokadagur Hringiðu verður haldinn hátíðlegur þann 5. maí en Guðlaugur Þór Þórðarson, umhverfisráðherra mun ávarpa gesti viðburðarins og aðra áhorfendur í gegnum beint streymi.
Sprotafyrirtækin í hraðlinum munu kynna verkefnin sín sem leysa aðsteðjandi úrlausnarefni í umhverfismálum fyrir fjárfesta og aðra áhugasama um hringrásarhagkerfið.
Sprotafyrirtækin sem munu kynna verkefnin sín:
- Melta
- Munasafn RVK Tool Library
- Mar Eco
- Orb
- Bambahús
- Resea Energy
- Alor
Viðburðinum verður streymt frá Nauthól frá kl. 11:45 – 13:00 – Smelltu forsíðumyndina til að tengja þig við streymið.
Við hvetjum öll að hlýða á í beinu streymi frá viðburðinum.
Umsjón með Hringiðu hraðlinum, sem keyrður er í þriðja sinn í ár, er í höndum KLAK – Icelandic Startups sem hefur til fjölda ára veitt aðstoð við þróun viðskiptahugmynda og leitt saman hóp hagaðila með verðmætasköpun að leiðarljósi. Áhersla í vinnustofum Hringiðu er hringrásarhagkerfið þar sem dregnar eru fram aðferðir og stutt við nýja tækni sem tryggir að auðlindum sé haldið í hagkerfinu.
Eigendur KLAK eru Háskóli Íslands, Háskólinn í Reykjavík, Origo, Samtök iðnaðarins og Nýsköpunarsjóður. Bakhjarlar Hringiðu eru Reykjavíkurborg, Umhverfis-, orku- og loftslagsráðuneytið, Orkuveita Reykjavíkur, Faxaflóahafnir, Terra, Ölgerðin og Samtök iðnaðarins. Samstarfsaðilar Hringiðu eru Rannís, Breið þróunarfélag, Evris, Sjávarklasinn, Orkuklasinn og Grænvangur.
Icelandic 
English