Snjallræði

Vilt þú hafa jákvæð áhrif á samfélagið?

Við styðjum við teymi sem leggja sjálfbærni til grundvallar í sinni kjarnastarfsemi og vilja leiða mikilvægar samfélagsbreytingar.

Hvað er Snjallræði?

Snjallræði er 16 vikna vaxtarrými (e. incubator) sem styður við öflug teymi sem brenna fyrir lausnum á áskorunum samtímans og styðja við heimsmarkmið Sameinuðu þjóðanna. Það geta verið lausnir sem snúa að heilbrigðisþjónustu, velferðartækni, bættu menntakerfi og jafnréttismálum, svo dæmi séu tekin.

Snjallræði var stofnað af Höfða friðarsetri árið 2018 og hefur verið keyrt þrisvar frá upphafi. Vaxtarrýmið var í umsjá KLAK til ársins 2022, í samstarfi við MITdesignX. Þungamiðja þess eru vinnustofur þar sem að sérfræðingar frá MIT koma til landsins og deila þekkingu sinni. Þátttakendur fá aðgang að fræðslu og þjálfun frá innlendum og erlendum sérfræðingum á sviði samfélagsmála og nýsköpunar og fundi með reyndum mentorum.

Markmið vaxtarrýmisins er að ýta undir nýsköpun sem tekst á við áskoranir samtímans og er þannig mikilvægur vettvangur fyrir samfélagssprota. Áhersla er á að ýta undir sjálfbærni í nýsköpun og byggja upp sprota sem styðja með beinum hætti við eitt eða fleiri af heimsmarkmiðum Sameinuðu þjóðanna allt frá fyrstu skrefum.

Hvað er samfélagsleg nýsköpun?

Samfélagsleg nýsköpun felst í því að nýta aðferðafræði nýsköpunar og hönnunarhugsun til þess að tækla samfélagslegar áskoranir og byggja upp kerfi og lausnir sem fela í sér ávinning fyrir fólk og umhverfi og þar af leiðandi fyrir samfélagið í heild.

Fréttir

8. desember 2022

Aðsteðjandi samfélagsvandi leystur í Snjallræði

Bjartsýni og jákvæðni sveif yfir vötnum í Hátíðarsal Grósku miðvikudaginn 7. desember en þar fór fram lokadagur Snjallræðis og kynntu níu sprotafyrirtæki sín verkefni

Snjallræði

6. desember 2022

Sprotar kynna lausnir við áskorunum samfélagsins

Sprotar sem tóku þeirri áskorun að finna lausnir við aðkallandi samfélagsvanda munu stíga á svið í hátíðarsal Grósku og kynna lausnir sínar fyrir framan

Snjallræði | Uncategorized

28. nóvember 2022

Lokadagur Snjallræðis 2022

Lokadagur Snjallræðis 2022 verður haldinn 7. desember í hátíðarsal Grósku þar sem engin annar en Jón Gnarr mun stýra viðburði og kynna öfluga sprota

Snjallræði

Sprotar

10 teymi tóku þátt í Snjallræði árið 2022

BioBuilding

Ræktun framtíðarbygginga: íslensk hampsteypa og notkunarmöguleikar hennar.

Fort

Fort vinnur gegn hröðun á tapi vöðvamassa- og vöðvastyrk (acute-sarcopenia) hjá sjúklingum sem eru rúmfastir á spítala í lengri tíma með sérstakri fótapressu til að viðhalda vöðvastyrk.

Hringvarmi

Hringvarmi ræktar grænmeti á vistvænan hátt, í nálægð við neytendur, með einstakri hringhagkerfis lausn.

Hugmyndasmiðir

Verkefnið Hugmyndasmiðir fræðir krakka um nýsköpun og dregur fram fyrirmyndir frumkvöðla af öllum kynjum, aldri, sviðum og landshlutum Íslands. Markmið verkefnisins er að efla frumkvöðlafærni krakka og hvetja þau til að skapa lausnir fyrir framtíðina.

Laufið

Laufið er nýr stafrænn vettvangur með hagnýtum verkfærum og hvatakerfi sem leiðir fyrirtæki og neytendur í vegferð að grænna og sjálfbærara samfélagi.

Ylur

Hátæknigróðurhús með áherslu á hringrásarhagkerfið.

On To Something

On to Something (OTS) er alþjóðlegur rafrænn viðskiptavettvangur þar sem afgangsefni ganga kaupum og sölum.

Orb

Orb þróar tækni til að mæla kolefnisbindingu skóga á ódýran og aðgengilegan hátt til að stuðla að ábyrgri kolefnisjöfnun og framleiðslu vottaðra kolefniseininga.

Sara, stelpa með ADHD

Markmið Söru, ADHD stelpunnar, er að vekja athygli barna og þeirra sem standa þeim næst á mismunandi birtingarmyndir ADHD í stelpum og strákum. Við viljum leggja okkar lóð á vogarskálarnar svo að „týndu stelpurnar“ fái þá athygli, aðstoð og skilning sem þær þurfa.

Fyrirkomulag

Dagskrá Snjallræðis árið 2022 fór fram aðra hvora viku. MIT designX vinnustofurnar eru fjórar talsins, eða einu sinni í mánuði. Á milli vinnustofanna verða Háskólinn í Reykjavík, Háskóli Íslands og Listaháskóli Íslands með vinnusmiðjur. Auk þess hitta þátttakendur mentorana fjórum sinnum yfir tímabilið og taka þátt í ýmsum viðburðum.

25- 26. ágúst: Understand

Hvaða vandamál er verið að leysa og hver mun njóta góðs af lausninni?

Áhersla lögð á: