KLAK health heimsótti á dögunum Kerecis, einn af bakhjörlum verkefnisins. Í heimsókninni tóku teymi KLAK health þátt í svokölluðu Cod Tank þar sem þau kynntu hugmyndir sínar fyrir sérfræðingum Kerecis og fengu uppbyggilega endurgjöf á verkefnin.
Kerecis hefur um árabil verið í fararbroddi á sviði nýsköpunar og er öflugur samstarfsaðili KLAK health. Heimsóknin í höfuðstöðvar fyrirtækisins og þátttaka í Cod Tank var því kærkomið tækifæri fyrir teymin í verkefninu til að tengjast leiðandi sérfræðingum í greininni.
Í Cod Tank kynntu teymin lausnir sínar, frumgerðir og viðskiptalíkön fyrir panel frá Kerecis, en þeir kölluðu sig sjálfir „Þorkshausana“. Þorskhausarnir lögðu mat á hugmyndirnar, spurðu gagnrýninna spurninga og veittu markvissa ráðgjöf um næstu skref í þróun og uppbyggingu verkefnanna.
Slík heimsókn er mikilvægur liður í því að tengja sprotafyrirtæki í heilbrigðisgeiranum beint við atvinnulífið. Með því að fá að viðra hugmyndir sínar í raunverulegu umhverfi, fyrir framúrskarandi fagfólk, styrkja teymin bæði lausnir sínar og trú á eigin verkefni.
KLAK health vill færa Kerecis kærar þakkir fyrir höfðinglegar mótttökur, traust og sterkan stuðning við verkefnið.
Lokadagur KLAK health fer fram á morgun i beinu streymi hér:
Sjáið myndir úr heimsókninni hér að neðan 📸
Bakhjarlar KLAK health eru Landspítali, Heilbrigðisráðuneytið, Íslandsbanki, Helix, Kerecis, Lifa VC, Veritas, Össur og Nox Medical.
Íslenska 
English (UK)