Tíu sprotafyrirtæki hafa verið valin til þátttöku í viðskiptahraðlinum Startup SuperNova 2024. Tilkynnt var um teymin á opnum viðburði í Grósku hugmyndahúsi og fengu frumkvöðlarnir fyrsta tækifærið til að kynna verkefnin sín fyrir framan fjárfesta, aðila úr nýsköpunarumhverfinu og aðra gesti. Allar umsóknir fóru í gegnum langt og strangt ferli, en bakhjarlar og fjárfestar tóku þátt í yfirferð umsókna.
„Við hjá KLAK – Icelandic Startups óskum öllum tíu sprotafyrirtækjunum til lukku með að fá inngöngu í viðskiptahraðalinn og hlökkum til að taka á móti þeim í byrjun ágúst í höfuðstöðvum KLAK, Mýrinni í Grósku hugmyndahúsi þegar hraðallinn hefst. Það var mjög gaman að sjá hversu fjölbreyttar og sterkar umsóknir við fengum í ár. Við hvetjum alla umsækjendur til að halda áfram að vinna í verkefnum sínum og þökkum bakhjörlum Startup SuperNova og fjárfestum fyrir aðstoðina við að fara yfir umsóknirnar.” segir Ásta Sóllilja Guðmundsdóttir, framkvæmdastjóri Klak – Icelandic Startups.
„Það er alveg ljóst að það er ekki skortur á góðum hugmyndum þarna úti á miðað við fjölda umsókna sem við fengum inn í hraðalinn. Það er því virkilega skemmtilegt að geta gefið þessum tíu flottu sprotafyrirtækjum sem komust að tækifæri á að taka sínar hugmyndir lengra í gegnum Startup SuperNova“, segir Sigurbjörn Ari Sigurbjörnsson, markaðsstjóri Nova.
Startup SuperNova er samstarfsverkefni Nova, KLAK – Icelandic Startups og Huawei með stuðningi frá Grósku hugmyndahúsi þar sem leitast er við að byggja upp viðskiptalausnir ætlaðar alþjóðamarkaði. Hraðallinn hefst 6. ágúst og lýkur með fjárfestadegi 20. september.
Hér fyrir neðan má sjá sprotafyrirtækin tíu í stafrófsröð sem taka þátt.
FairGame
FairGame er hugbúnaður fyrir íþróttamót barna og unglinga, með FairGame setjum við upplifun barna í fyrsta sæti, með notkun gervigreindar er FairGame þjálfað með niðurstöðum leikja og finnur raunverulegan styrkleika liðanna svo börnin okkar fái sanngjarnar áskoranir.
Fyrir mótshaldara sér FairGame til þess að leikir séu skipulagðir á skilvirkan hátt og umbreytir mörgum dögum af áætlanagerð, í nokkrar sekúndur. FairGame Appið gefur foreldrum og forráðamönnum svo allar upplýsingar í rauntíma.
Teymið:
Jóhannes Ólafur Jóhannesson
Jón Levy Guðmundsson
GrowthApp
GrowthApp er einfaldasti og fullkomnasti vaxtarvettvangurinn fyrir sprotafyrirtæki á markaðnum í dag. Nýstárleg verkfæri okkar gera stofnendum í fyrsta skipti kleift að skipuleggja viðskiptahugmyndir sínar hratt í einfaldar framkvæmanlegar áætlanir og sjá skýra leið til árangurs.
Teymið:
Guido Picus
Jón Rúnar Baldvinsson
Michael Victor Lance
JarðarGreining
Jarðargreining sérhæfir sig í að þróa jarðratsjá (e. Ground Penetrating Radar – GPR) mælitæki sem notar rafsegulbylgjur til að nálgast upplýsingar og innri eiginleika efstu metra jarðarinnar án þess að hrófla við yfirborðinu.
Markmið okkar er að auka flytjanleika tækisins svo hægt sé að samþætta það við dróna og gera þessa tækni aðgengilega, hagkvæma og notendavæna svo að fleiri geti notið góðs af henni.
Teymið:
Morgane Priet-Mahéo
Eysteinn Már Sigurðsson
Massif Network
Our mission at Massif Network is to become the ultimate destination for producers and creative professionals to discover, research, and organize shoots at remote locations, creating value for everyone involved.
Teymið:
Steinarr Logi Nesheim
Kristín Þórhalla Þórisdóttir
Guðmundur Stefán Þorvaldsson
Medvit Health
Medvit Health creates expert medical systems which support healthcare workers in the diagnostic process and patient treatment.
Teymið:
Daníel Ásgeirsson
Vin Þorsteinsdóttir
Inga Guðbjartsdóttir
Eir Lilja Daníelsdóttir
Neurotic
Neurotic gerir gagnastjórnun einfalda og skemmtilega. Notendavæni vettvangurinn okkar sér um erfiðu hlutina, svo þú getir einbeitt þér að vinnunni þinni. Með gervigreindarstuðningi og auðveldri samþættingu verður auðvelt að stjórna gögnunum þínum. Burt með gagnakvíða!
Teymið:
Geoffrey Stekelenburg
Stijn Huiskes
Veronika Guls
Diana Bobocu
TAPP
TAPP er heildstæður vettvangur fyrir gigg-umhverfið. Lausnin er sérsniðin hugbúnaðarlausn sem mun gera verkefnastjórnun og fjárhagslegt utanumhald skilvirkara og koma á opnari og auðveldari samskiptum milli verktaka og verkkaupa. TAPP einfaldar samningsgerð, tímaskráningu, sjálfvirknivæðir reikningagerð, býður upp á starfatorg og eykur aðgengi að raunstöðu verkefna.
Teymið:
Elva Sara Ingvarsdóttir
Ragnar Pétur Pétursson
Sigríður Rósa Bjarnadóttir
Thorexa
Thorexa hannar hugbúnað sem auðveldar tölvupóst svörun með hjálp gervigreindar sem að lærir inn á stíl hvers og eins. Lausnin miðar að því að stytta tíma sem að fer í tölvupóst svörun, tryggir tímanleg svör og bætir starfsánægju.
Teymið:
Íris Líf Stefánsdóttir
Bjarni Þór Gíslason
Þór Tómasarson
The Gyna-app
The Gyna-app er heildrænt smáforrit sérsniðið að heilsu kvenna, sem aðstoðar konur að halda utan um þá þætti sem hafa áhrif á heilsu þeirra til framtíðar, með því markmiði að valdefla konur til að taka ábyrgð á eigin heilsu og fá þá heilbrigðisþjónustu sem þær eiga skilið.
Teymið:
Hanna Lilja Oddgeirsdóttir
VibEvent
VibEvent sameinar alla þátttakendur tónlistarviðburða á samfélagsdrifnum vettvangi sem tengir tónlistarfólk, áheyrendur og skipuleggjendur. Með öflugum markaðstólum, innsýn í áheyrendagögn og nýstárlegum tekjuleiðum, styður VibEvent við sjálfstætt og upprennandi tónlistarfólk og eykur sjálfbærni tónlistarsenunnar.
Teymið:
Davíð Örn Jóhannsson
Bjarni Jónsson
Reynir Pálsson
Jana Maren Óskarsdóttir
Þorleifur Kamban
Guðmundur R. Einarsson
