Markmið hraðalsins er að örva frumkvöðlastarf í heilsutækni, auka þekkingu sprotateyma á regluverki, tæknilegum kröfum og viðskiptatækifærum, veita þeim aðgang að leiðsögn og tengslaneti fjárfesta og lykilaðila og hjálpa þeim að móta þróunaráætlun og viðskiptalega sýn. Að auki er markmiðið að undirbúa teymin markvisst fyrir fjármögnun og samstarf í heilbrigðis- og nýsköpunarumhverfinu.

Öflug teymi með verkefni á frumstigum á sviði heilsutækni. Þar á meðal á sviði lækningatækja, líftækni, lyfjaþróunar, stafrænnar heilsutækni og  heilsulausna fyrir neytendur.  Það er ekki skilyrði að búið sé að stofna fyrirtæki, en þátttakendur þurfa að geta tekið virkan þátt í vinnustofum og fyrirlestrum í Grósku á meðan hraðlinum stendur.

Allt að tíu sprotafyrirtæki verða valin til þátttöku.