Smáforritið Bati styður einstaklinga með fíknisjúkdóm í bataferlinu og var þróað í nánu samstarfi við yfir 250 skjólstæðinga og helstu sérfræðinga á sviði áfengis- og vímuefnavanda á Íslandi. Forritið hjálpar notendum að viðhalda daglegri rútínu, fylgjast með svefni, líðan og hreyfingu, skrá í dagbók og veitir jafnframt aðgang að fræðslu og hugleiðslum. Með leikjavæðingu og hvetjandi skilaboðum gerir forritið bataferlið bæði aðgengilegt og uppbyggilegt – til stuðnings á hverjum degi, óháð tíma og staðsetningu.
